«Ньюкасл» ярим ҳимоячиси Сандро Тонали фаолиятини қаерда давом эттириш борасида бош қотирмоқда. Teamtalk журналистларига маълум бўлишича, футболчи Италия А Сериясига қайтиш вариантини кўриб чиқишга тайёр.

Манбага кўра, ватанида Тоналининг ўйинларини «Интер», «Ювентус» ва Сандро Туманли Альбионга кўчиб ўтишдан олдин тўп сурган «Милан» клублари кузатиб бормоқда. АПЛда эса ярим ҳимоячига «Арсенал», «Челси», «МЮ» ва «Манчестер Сити» қизиқиш билдирмоқда.

«Ньюкасл» эса, ўз навбатида, юлдуз футболчисини сотиш орқали 80 миллион евродан кўпроқ маблағ ишлаб олишни режалаштирган. Жорий мавсумда Тонали 50 та учрашувда майдонга тушди. Хавбек ўз ҳисобига 3 та гол ва 7 та голли узатмани ёздириб қўйган.