Англия кубогининг ярим финал баҳсида «Манчестер Сити» клуби «Саутгемптон» устидан 2:1 ҳисобида ғалаба қозониб, мусобақанинг ҳал қилувчи босқичига йўл олди. «Шаҳарликлар»га ғалаба келтирган голга ярим ҳимоячи Нико Гонсалес муаллифлик қилди.

Учрашувдан сўнг жамоа бош мураббийи Хосеп Гвардиола футболчининг намойиш этган ўйини ва киритган голига тўхталиб ўтди.

«Тўғрисини айтсам, ундан бундай голни кутмаган эдим. Одатда бундай вазиятларда қанот ҳужумчилари ёки форвардлар фаоллик кўрсатишади, аммо Нико буни муносиб тарзда амалга оширди. У ажойиб мавсумни ўтказмоқда.

У ўзига кўпроқ ишониши ва ортиқча эҳтиёткорликдан воз кечиши керак. Таянч ярим ҳимоячиси позициясида айнан шундай шижоат билан ҳаракат қилиш лозим. У ҳали ёш ва ўсиш учун катта имкониятга эга», — деди Гвардиола.

Маълумот учун, «Манчестер Сити» финал баҳсида «Челси» — «Лидс» учрашуви ғолиби билан куч синашади. Финал учрашуви «Уэмбли» стадионида бўлиб ўтиши режалаштирилган.