Ҳужумчи Ромелу Лукаку катта эҳтимол билан шу ёзда «Наполи»ни тарк этади. Журналист Маттео Мореттонинг маълумотларига кўра, бельгиялик форвард «Милан»га ўтиши мумкин.
Яқин орада «россонери»га 32 ёшли футболчининг хизматлари таклиф қилиниши кутилмоқда.
Ромелу Лукаку 2024 йилда «Челси»дан «Наполи»га 30 миллион евро эвазига ўтган эди. Унинг шартномаси 2027 йилнинг 30 июнига қадар мўлжалланган. Жорий мавсумда бельгиялик футболчи Неаполь клуби сафида барча турнирларда еттита ўйинда майдонга тушиб, битта гол урди.
Transfermarkt портали Лукакунинг қийматини 12 миллион еврога баҳоламоқда.
