Англия кубоги ярим финалидан ўрин олган баҳсда «Челси» ва «Лидс Юнайтед» ўзаро тўқнаш келди. Лондонликлар 1:0 ҳисобида ғалаба қозониб, мусобақа финалига йўл олди.
Учрашув Лондон шаҳридаги «Уэмбли» стадионида бўлиб ўтди. Ўйиндаги ягона голни 23-дақиқада Энцо Фернандес киритди.
Шу тариқа, «Челси» Англия кубоги финалида 16 май куни «Уэмбли» стадионида «Манчестер Сити»га қарши майдонга тушади.
Мазкур совринни энг кўп қўлга киритган жамоа — Лондоннинг «Арсенал» клуби ҳисобланади. «Канонирлар» Англия Кубогида 14 марта ғолиб бўлган. Иккинчи ўринда «Манчестер Юнайтед» (13), учинчи поғонани эса «Ливерпуль», «Тоттенхэм Хотспур» ва «Челси» (8 тадан) бўлишиб турибди.
Англия кубоги, ярим финал
26 апрель 2026 йил, якшанба
«Челси» — «Лидс Юнайтед» 1:0
Гол: Энцо Фернандес 23 (1:0).













