«Ливерпуль» мухлислари уй учрашувлари учун чипталар нархи оширилиши режалаштирилаётганидан норози. Фанатлар ўз эътирозларини Англия Премьер-лигаси 34-туридан ўрин олган «Кристал Пэлас»га қарши ўйиннинг 13-дақиқасида қизиқарли тарзда намойиш этишди.
«Энфилд» трибуналаридаги мухлислар тепага сариқ карточкаларни кўтарганча, клуб раҳбариятига қарата «бизга шуниси етарли» дея ҳайқиришди.
Маълумот учун, шу йилнинг март ойида инглиз клуби хўжайинлари кейинги мавсумдан чипталар нархи 3 фоизга оширилишини маълум қилишган эди.
Айни дамда мерсисайдликлар Англия чемпионати турнир жадвалида 58 очко билан тўртинчи ўринни эгаллаб туришибди.
