"Жирона" ярим ҳимоячиси Аззедин Унаи "Манчестер Сити" қизиқишлари доирасига тушди. Англия гранди жамоани тарк этаётган Бернарду Силванинг ўрнига марказий чизиқни кучайтириш учун номзод қидирмоқда.
El Chiringuito нашри тарқатган маълумотларга кўра, "шаҳарликлар" ўтган жаҳон чемпионатидаги ёрқин ўйинлари орқали кенг оммага танилган Унаи номзодини кўриб чиқмоқда. Эслатиб ўтамиз, "Жирона" ҳам, "Манчестер Сити" каби City Football Group холдингига тегишли.
Ўтган йилнинг ёзида Аззедин Унаи "Марсель"дан Каталония клубига 6 млн евро эвазига ўтган эди. Ҳозирда марокашлик футболчининг бозор қиймати Transfermarkt портали томонидан 10 млн еврога баҳоланмоқда. 26 ёшли футболчи Ла Лиганинг жорий мавсумида 19 та ўйинда майдонга тушиб, ўз ҳисобига 5 та гол ва 3 та голли узатмани ёздириб қўйди.
