Чап қанот ҳимоячиси Патрик Доргу ва марказий ҳимоячи Лени Йоро жароҳатларидан қутилиб, "Манчестер Юнайтед" ихтиёрига қайтишди. UtdDistrict нашрининг хабар беришича, 21 ёшли даниялик ва 20 ёшли франциялик футболчилар якшанба куни умумий гуруҳ машғулотларида иштирок этишган.
Шунга қарамай, ҳар икки ўйинчининг Англия Премьер-лигаси доирасидаги навбатдаги — "Брентфорд"га қарши баҳсда майдонга тушиши амримаҳол. Учрашув бугун бўлиб ўтади ва Тошкент вақти билан 00:00да бошланиши режалаштирилган.
Патрик Доргу тизза ости пайларидаги жароҳат туфайли январь ойидан бери майдонга тушмаётган эди. Лени Йоро эса яқинда — жорий ойнинг ўрталарида сафдан чиққанди.













