Италиялик машҳур собиқ ҳужумчи Кристиан Вьери Роберт Левандовскининг «Милан»га ўтишини истамаяпти. «Россонерилар» мавсум якунида клубисиз қолиши мумкин бўлган «Барселона» форварди учун асосий даъвогарлардан бири сифатида тилга олинмоқда. Польякнинг агенти аллақачон Италиядаги потенциал иш берувчилар билан музокаралар олиб бормоқда.
«Мен Левандовски билан шартнома имзоламаган бўлардим — у жуда кексайиб қолди. Муаммони ҳал қилиш учун «Милан»га ёшроқ ҳужумчи керак», — деди Вьери DAZN билан суҳбатда.
Роберт Левандовскига шунингдек «Ювентус» ҳам қизиқиш билдирмоқда. Август ойида «кўк-анорранглилар»нинг юлдузли фахрийси 38 ёшни қарши олади.
