Вингер Руни Барджи "Барселона" ҳужум чизиғида жароҳат олиб сафдан чиққан Ламин Ямалнинг ўрнини эгалламоқда. 20 ёшли футболчи "Хетафе"га қарши кечган сўнгги учрашувда (2:0) "кўк-анорранглилар"нинг асосий таркибида майдонга тушди ва 60-дақиқада Маркус Рэшфордга алмаштирилди.
Журналист Габриэль Санснинг маълумотларига кўра, швециялик футболчи ўз ўйини учун мураббийлар штабидан ижобий баҳо олган: Руни узатмалар беришдаги совуққонлиги (100% аниқ паслар) ва жарима майдонига тўп узатишлар сони (5 та — жамоада энг яхши кўрсаткич) бўйича мақтовга сазовор бўлди. Шу билан бирга, бош мураббий Ханс-Дитер Флик футболчидан рақиб дарвозаси яқинида янада қатъиятлироқ ҳаракат қилишни кутмоқда.
"Хетафе" дарвозасига голларни Фермин Лопес ва Маркус Рэшфорд киритишди.
