«Порту» бош мураббийи Франческо Фариоли «Челси»га тайинланиши ҳақидаги миш-мишларга муносабат билдирди. Лиам Россеньор истеъфога чиқарилганидан сўнг, италиялик мутахассис «кўклар» бошқаруви учун номзодлар қаторида тилга олинаётган эди.
Лондондан бўлаётган қизиқиш ҳақидаги саволга жавоб берар экан, 37 ёшли мутахассис ҳозирги лавозимини тарк этмаслигини таъкидлади.
«Мен «Порту» мураббийиман ва бу ерда ишимни давом эттираётганимдан хурсандман», — деди инсайдер Фабрицио Романо иқтибос келтирган Фариоли.
«Аждарлар» Португалия лигаси чемпионлигини деярли нақд қилиб қўйишган — чемпионат якунига уч тур қолганда иккинчи ўриндаги «Бенфика» билан орадаги фарқ 7 очкони ташкил этмоқда. Фариолининг амалдаги шартномаси 2028 йилгача мўлжалланган.
