«Тоттенхэм» футболчиси Хави Симонс хочсимон боғламлари узилиши туфайли сафдан чиқди. Нидерландиялик ярим ҳимоячи шанба куни Премьер-лига доирасида «Вулверхэмптон»га қарши кечган баҳсда жароҳат олди. Футболчи мавсумнинг қолган қисмини ва бўлажак Жаҳон чемпионатини ўтказиб юборади — катта эҳтимол билан у майдонга фақат кейинги йили қайта олади.
«Ҳаёт баъзан шафқатсиз бўлади, дейишади ва ҳозир мен буни ҳис қиляпман. Мавсумим кутилмаганда якунига етди, мен ҳали ҳам буни ҳазм қилишга ҳаракат қиляпман. Ростини айтсам, руҳан эзилганман. Ҳамма нарса ўз маъносини йўқотгандек туюлмоқда. Ягона истагим — жамоа учун курашиш эди, лекин энди мен бу имкониятдан ҳам, Жаҳон чемпионатида ўйнаш бахтидан ҳам маҳрум бўлдим», — дея журналист Бен Жейкобс Симонснинг сўзларини келтирмоқда.
Эслатиб ўтамиз, жорий мавсум Хави учун «Тоттенхэм»даги дебют мавсум ҳисобланади. Ўтган ёзда у «РБ Лейпциг»дан «шпорлар» сафига келиб қўшилган эди.
