«Милан» устози Массимилиано Аллегри жамоанинг Туриннинг «Ювентус» клубига қарши кечган учрашувида Рафаэл Леау кўрсатган ўйиндан мамнун бўлди. Шу билан бирга, баҳс тугашига ўн дақиқа қолганда Леау Кристофер Нкункуга алмаштирилди.

«Мен Рафа ўйинининг мухлисиман. Бугун у жуда яхши ҳаракат қилди, менимча, бу унинг энг яхши ўйинларидан бири бўлди. У "портловчи" характердаги футболчи, ундан доимий барқарорликни талаб қилиб бўлмайди. У бизга ҳимояда ҳам ёрдам берди, мана шуниси муҳим ва мен айнан шундан мамнунман», — дея Аллегрининг сўзларини келтирмоқда pianetamilan.it нашри.

Кейинги учрашувда «Милан» «Сассуоло»га қарши майдонга тушади.