«Milan» ustozi Massimiliano Allegri jamoaning Turinning «Yuventus» klubiga qarshi kechgan uchrashuvida Rafael Leau ko‘rsatgan o‘yindan mamnun bo‘ldi. Shu bilan birga, bahs tugashiga o‘n daqiqa qolganda Leau Kristofer Nkunkuga almashtirildi.
«Men Rafa o‘yinining muxlisiman. Bugun u juda yaxshi harakat qildi, menimcha, bu uning eng yaxshi o‘yinlaridan biri bo‘ldi. U "portlovchi" xarakterdagi futbolchi, undan doimiy barqarorlikni talab qilib bo‘lmaydi. U bizga himoyada ham yordam berdi, mana shunisi muhim va men aynan shundan mamnunman», — deya Allegrining so‘zlarini keltirmoqda pianetamilan.it nashri.
Keyingi uchrashuvda «Milan» «Sassuolo»ga qarshi maydonga tushadi.
