Италия А Сериясининг 34-тури доирасида кечган «Милан» ва Туриннинг «Ювентус» жамоалари ўртасидаги марказий учрашувда ғолиб аниқланмади. Баҳс 0:0 ҳисобидаги дуранг билан якунланди.

Ушбу натижа миланликлар учун нохуш анъананинг давоми бўлди. «Милан» Италия чемпионати доирасида кетма-кет олтинчи ўйиндан бери «Ювентус» дарвозасини ишғол эта олмаяпти. Жамоа сўнгги бор 2023 йилнинг 28 май куни туринликлар билан баҳсда гол уришга муваффақ бўлган ва ўшанда ғалаба қозонган эди.

Эътиборли жиҳати шундаки, ушбу голсиз серия давомидаги олтита ўйиннинг тўрттаси 0:0 ҳисобидаги дуранг билан тугаган. Яъни, «Милан» рақиб дарвозасига йўл топа олмаётган бўлса-да, ўз дарвозаси дахлсизлигини сақлаб қолишга ҳам эришмоқда.