«Ливерпуль» жамоасининг тажрибали посбони Алиссон Бекер жорий мавсум якунида мерсисайдликлар сафини тарк этиши мумкин. Унга Туриннинг «Ювентус» клуби жиддий қизиқиш билдирмоқда.
TEAMtalk нашри берган маълумотларга кўра, бразилиялик голкипер учун Туринга кўчиб ўтиш варианти маъқул келмоқда ва у ушбу трансферга тобора кўпроқ мойиллик билдирмоқда. Италия гранди аллақачон 33 ёшли дарвозабонга «2+1» кўринишидаги шартнома таклиф қилган.
Алиссон учун Италия футболи бегона эмас. У 2018 йилда «Ливерпуль»га ўтишдан олдин «Рома» шарафини ҳимоя қилган. Тажрибали футболчининг инглиз клуби билан амалдаги шартномаси 2027 йилнинг ёзига қадар мўлжалланган.
Маълумот учун, Transfermarkt портали Алиссон Бекернинг бозор қийматини 17 миллион еврога баҳоламоқда.
