Италия А Серияси пешқадами «Интер» Мадриднинг «Реал» клуби ва Украина терма жамоаси дарвозабони Андрей Лунинни ўз сафига қўшиб олмоқчи. Бу ҳақда Fichajes нашри хабар бермоқда.

Манбанинг ёзишича, Милан гранди 27 ёшли посбон учун 20 миллион евро тўлашга тайёр. «Интер» раҳбарияти Лунинни жамоанинг узоқ муддатли режаларидаги муҳим бўғин ва келажакдаги асосий дарвозабон сифатида кўрмоқда.

Ҳозирда «қироллик клуби» ушбу таклифни ўрганиб чиқмоқда. Мадридликлар учун захира дарвозабони учун таклиф қилинаётган ушбу сумма молиявий жиҳатдан жозибадор кўринмоқда. Шунга қарамай, «Реал» Луниннинг майдонга тушган ўйинларидаги ишончли ва барқарор ҳаракатларини юқори баҳолайди.

Маълумот учун, Андрей Лунин жорий мавсумда барча мусобақаларда 11 та учрашувда майдонга тушди. Ушбу баҳсларда у ўз дарвозасидан 21 та тўп олиб чиқди ва бир бор майдондан четлатилди.