«Реал Мадрид» клуб телевидениеси «Бетис»га қарши ўйиндаги баҳсли вазиятни кўп маротаба намойиш этди.
Жамоалар Ла Лиганинг 32-турида дуранг (1:1) ўйнашди. Учрашув бош ҳаками Сесар Сото Градо эди. Ўйиннинг 23-дақиқасида Браим Диаснинг яқин масофадан йўллаган зарбасидан сўнг, тўп жарима майдончаси ичида ҳимоячи Рикардо Родригеснинг қўлига тегди. Рефери бу ерда қоида бузилишини кўрмади, ВАР эса вазиятга аралашмади.
Mundo Deportivo нашрининг ёзишича, мадридликлар каналидаги Hoy Jugamos кўрсатувида ушбу эпизод 245 марта кўрсатилган. Бошловчилар ҳакамларнинг Родригеснинг ҳаракати учун пенальти белгиламаганини кескин танқид қилишди.
