«Милан» бош мураббийи Массимилиано Аллегри Италия Серия Асининг 34-туридан ўрин олган «Ювентус»га қарши баҳсдан (0:0) сўнг ҳужумчи Кристиан Пулишичнинг ўйини ҳақида тўхталди. Пулишич кетма-кет 16 та ўйиндан бери гол ура олмаяпти.
«Кристиан — жуда таъсирчан инсон, бу голсизлик унга руҳан қаттиқ зарба бермоқда. Шунингдек, у жисмоний курашларда ва марказий ҳужумчи йўқлигида қийинчиликка дуч келмоқда, лекин мен жамоани мувозанатга келтиришим керак, чунки олдимизда эришишимиз лозим бўлган мақсад бор.
Тушунаман, у бу роль (марказий ҳужумчи) учун унчалик мос эмас. Мен ундан ўнг қанотда, Леаудан эса чапда ўйнашини сўрадим, шу сабабли бизда соф марказий ҳужумчи бўлмади. Ишончингиз комил бўлсинки, мавсум якунига қадар Пулишич ўз ҳиссасини қўшади», — дея Аллегрининг сўзларини келтиради Football Italia.
