«Milan» bosh murabbiyi Massimiliano Allegri Italiya Seriya Asining 34-turidan o‘rin olgan «Yuventus»ga qarshi bahsdan (0:0) so‘ng hujumchi Kristian Pulishichning o‘yini haqida to‘xtaldi. Pulishich ketma-ket 16 ta o‘yindan beri gol ura olmayapti.
«Kristian — juda ta’sirchan inson, bu golsizlik unga ruhan qattiq zarba bermoqda. Shuningdek, u jismoniy kurashlarda va markaziy hujumchi yo‘qligida qiyinchilikka duch kelmoqda, lekin men jamoani muvozanatga keltirishim kerak, chunki oldimizda erishishimiz lozim bo‘lgan maqsad bor.
Tushunaman, u bu rol (markaziy hujumchi) uchun unchalik mos emas. Men undan o‘ng qanotda, Leaudan esa chapda o‘ynashini so‘radim, shu sababli bizda sof markaziy hujumchi bo‘lmadi. Ishonchingiz komil bo‘lsinki, mavsum yakuniga qadar Pulishich o‘z hissasini qo‘shadi», — deya Allegrining so‘zlarini keltiradi Football Italia.
