Украиналик дарвозабон Андрей Лунин келаси мавсумни ҳам Мадриднинг «Реал» клубида ўтказадиган бўлди. Бу ҳақда The Athletic нашри журналистлари хабар бермоқда.
Манбанинг таъкидлашича, голкипернинг «Бетис»га қарши сафар ўйинида (1:1) кўрсатган ишончли ҳаракатлари «қироллик клуби» раҳбариятини уни жамоада олиб қолишга ундаган. 2025/2026 йилги мавсумда Лунин жами 11 та учрашувда майдонга тушиб, ўз дарвозасидан 21 та тўп олиб чиқди.
27 ёшли посбон 2018 йилнинг ёзида мадридликлар сафига келиб қўшилган эди. Андрей ва «қаймоқранглилар» ўртасидаги амалдаги шартнома 2030 йилнинг июнь ойи якунига қадар мўлжалланган. Ҳозирда дарвозабоннинг трансфер бозоридаги нархи 15 миллион еврога баҳоланмоқда.
