Лондоннинг «Арсенал» клуби марказий ҳимоячиси Кристиан Москера ёзги трансфер ойнасида жамоани тарк этиши мумкин. Бу ҳақда таниқли инсайдер Экрем Конур хабар бермоқда.
Манбанинг таъкидлашича, 21 ёшли испаниялик футболчи Мадриднинг «Атлетико» клуби билан музокаралар олиб бораётганини тасдиқлаган. Бироқ Москерага фақат «матрасчилар» эмас, балки «Бенфика», «Наполи» ва «Эвертон» каби клублар ҳам жиддий қизиқиш билдирмоқда. «Арсенал» раҳбарияти ўз футболчисини камида 50 миллион евро эвазига қўйиб юборишга тайёр.
Маълумот учун, Кристиан Москера жорий мавсумда барча мусобақаларда 29 та ўйинда майдонга тушди. Унинг «канонирлар» билан амалдаги шартномаси 2030 йилнинг ёзига қадар мўлжалланган.
