Англия терма жамоаси ва «Ливерпуль» афсонаси Стивен Жеррард яна туманли Альбионда иш бошлаши мумкин. Бу ҳақда Independent нашри журналистлари хабар бермоқда.

Манбага кўра, 45 ёшли мутахассис хизматларига Чемпионшип вакили «Бристоль Сити» қизиқиш билдирмоқда. Айни дамда жамоа турнир жадвалида 13-ўринни эгаллаб турибди ва унга тажрибали Рой Ходжсон устозлик қилмоқда. Аввалроқ Жеррардга АПЛдан муддатидан олдин тушиб кетган «Бёрнли» клубидан ҳам қизиқиш борлиги ҳақида хабарлар тарқалган эди.

Стивен Жеррарднинг сўнгги иш жойи Саудия Арабистонининг «Ал-Иттифоқ» клуби бўлган эди. Унгача эса инглиз мутахассиси Шотландиянинг «Рейнджерс» ва Англиянинг «Астон Вилла» жамоаларини бошқарган.