«Манчестер Сити»нинг бўлажак бош мураббийи сифатида кўрилаётган Энцо Мареска ёзги трансфер ойнаси олдидан клуб раҳбариятига ўз талабини маълум қилди. Бу ҳақда The Touchline нашри хабар бермоқда.

Мавсум якунида Хосеп Гвардиоланинг ўрнини эгаллаши кутилаётган Мареска «Сити»да «Челси» ярим ҳимоячиси Энцо Фернандесни кўришни истамоқда. Мутахассиснинг фикрича, аргентиналик футболчи «шаҳарликлар»нинг ёздаги бош трансфер мақсадига айланиши лозим.

Маълумот учун, 25 ёшли Энцо Фернандес жорий мавсумда барча мусобақаларда 49 та ўйинда майдонга тушиб, 13 та гол ва 6 та голли узатмага муаллифлик қилди. Transfermarkt портали футболчининг трансфер нархини 90 миллион еврога баҳоламоқда.