Бугун, 28 апрель оқшомида Европа Чемпионлар лигасининг ярим финал босқичига старт берилади. Илк учрашувда Франциянинг «ПСЖ» ҳамда Германиянинг «Бавария» жамоалари ўзаро тўқнаш келишади. Ўйин Тошкент вақти билан соат 00:00 да бошланади.

Таҳлилчиларнинг фикрича, бўлажак баҳсда парижликларнинг ғалаба қозониш имконияти 40,4 фоизни ташкил этмоқда. Мюнхенликларнинг муваффақияти эса 35,3 фоизга баҳоланмоқда. Учрашувда дуранг қайд этилиш эҳтимоли 24,3 фоизга тенг.

Маълумот учун, жамоалар сўнгги бор 2025 йилнинг 4 ноябрь куни мусобақанинг гуруҳ босқичида тўқнаш келишган эди. Ўшанда «Бавария» сафарда 2:1 ҳисобидаги ғалабани қўлга киритган.