Италиянинг «Интер» клуби Бельгиянинг «Брюгге» жамоасида тўп сураётган ярим ҳимоячи Александр Станковични ортга қайтаришга қарор қилди. Бу ҳақда La Gazzetta dello Sport нашри хабар бермоқда.

Манба берган маълумотларга кўра, «нерадзуррилар» ихтиёрида иккита вариант бор эди: футболчини 2026 йилнинг ёзида 23 миллион еврога ёки 2027 йилда 25 миллион еврога сотиб олиш. Клуб раҳбарияти яна бир йил кутмасликка ва жорий мавсум якунидаёқ ўз ҳуқуқидан фойдаланишга қарор қилган.

Эслатиб ўтамиз, Александр Станкович — «Спартак» ва «Ференцварош» клублари собиқ бош мураббийи Деян Станковичнинг ўғли ҳисобланади.

У 2025 йилнинг июлида 9,5 миллион евро эвазига «Брюгге»га сотилган эди. Жорий мавсумда 20 ёшли футболчи Бельгия клуби сафида 50 та ўйинда майдонга тушиб, 9 та гол ва 5 та голли узатмага муаллифлик қилди. Айни дамда унинг бозор қиймати 35 миллион еврога баҳоланмоқда, бу эса «Интер» учун ушбу трансфер иқтисодий жиҳатдан ҳам жуда фойдали эканини англатади.