Неаполликлар «Спортинг»дан ижарага олинган иқтидорли вингер Алиссон Сантоснинг трансфер ҳуқуқини тўлиқ сотиб олишга қарор қилди. Бу ҳақда Николо Скира хабар берди.
Маълумотларга кўра, «Наполи» Португалия клубига футболчининг тўлиқ трансфери учун қўшимча 16,5 миллион евро тўлаб беради. Футболчининг ўзи Неаполда қолишни истаётгани сабабли, шахсий шартнома борасида ҳам тўлиқ келишувга эришилган.
Унга кўра, 23 ёшли бразилиялик футболчи жамоа билан 2030 йилгача мўлжалланган узоқ муддатли шартнома имзолайди. Келишувда шартномани яна бир йилга — 2031 йилгача узайтириш банди ҳам мавжуд бўлади.
