Миланнинг «Интер» клуби етакчиси Ҳоқон Чалханўғли жароҳат олиб, сафдан чиқди. Тиббий кўрик натижаларига кўра, туркиялик ярим ҳимоячининг чап оёқ болдир мушаги чўзилгани маълум бўлди.

Ушбу жароҳат «нерадзурри» учун ўта ноқулай вақтда юз берди. Маълум қилинишича, 13 май куни бўлиб ўтадиган Италия Кубоги финал учрашувида Чалханўғлининг иштирок этиши катта сўроқ остида қолмоқда. Тиббий штаб футболчини ҳал қилувчи баҳсгача оёққа турғизиш учун бор имкониятини ишга солмоқда, бироқ тикланиш жараёни кутилганидан узоқроқ давом этиши мумкин.

Финалда «Интер»га «Лацио» рақиблик қилади. Баҳс «Олимпико» стадионида ўтказилади.