«РБ Лейпциг» клуби бош мураббий Оле Вернер билан ҳамкорликни давом эттиришга тайёргарлик кўрмоқда. Бу ҳақда немис журналисти Филипп Гинце ўз ижтимоий тармоқларида маълум қилди.
Вернернинг ҳозирдаги келишуви 2027 йилгача амал қилади. Клуб ва мураббий ўртасидаги музокаралар мавсум якунланганидан кейинги даврга режалаштирилган. Ҳар икки томон ҳам узоқ муддатли ҳамкорликдан манфаатдор, бироқ якуний қарор ҳали қабул қилинмаган.
Клубнинг асосий вазифаси — Чемпионлар лигасидаги ўрнини сақлаб қолиш. Айни дамда «РБ Лейпциг» Бундеслигада учинчи ўринда бормоқда. Жамоа бешинчи ўриндаги «Хоффенхайм»ни 5 очкога ортда қолдирмоқда, мавсум якунига қадар эса атиги 3 та ўйин қолди.
Оле Вернер ҳозирги лавозимини 2025 йилдан бери эгаллаб келмоқда. Бунгача мутахассис «Вердер» ва «Хольштайн» клубларида фаолият юритган.
