Мадриднинг «Реал» клуби марказий ҳимоячиси Эдер Милитао олган жароҳатидан сўнг жарроҳлик амалиётини муваффақиятли ўтказди. Бу ҳақда Испания жамоаси матбуот хизмати расмий сайтда хабар берди.
Бразилиялик футболчининг чап оёқ сон икки бошли мушагининг проксимал пайи операция қилинди. Яқин вақт ичида Милитао реабилитация жараёнларини бошлайди.
Аввалроқ хабар берилганидек, 28 ёшли ҳимоячи тахминан беш ойдан кейин сафга қайтиши мумкин.
Жорий мавсумда Милитао «қаймоқранглилар» таркибида барча турнирларда 21 та ўйинда иштирок этиб, ўз ҳисобига иккита гол ва битта голли узатмани ёздириб қўйган эди.
