Жозе Моуриньо «Реал Мадрид» бошқарувини қўлга олишга тайёр. Журналист Фабрицио Романонинг хабар беришича, португалиялик мутахассис Мадрид клубига қайтишдан манфаатдор ва бу ҳақда аввалроқ ҳам маълумотлар берилган эди.

Шу билан бирга, Романонинг таъкидлашича, Моуриньо ягона номзод эмас. «The Special One» «Реал»нинг тўрт нафар мураббийдан иборат қисқа рўйхатига (шорт-лист) киритилган. Якуний қарорни мадридликлар президенти Флорентино Перес шахсан қабул қилади.

Қайд этилишича, «Бенфика» Жозе Моуриньони жамоа бошқарувида сақлаб қолмоқчи. Бироқ мураббийнинг шартномасида 6 миллион евро миқдорида товон пули тўлаб, уни сотиб олиш банди мавжуд. Ушбу имконият май ойи охиригача амал қилади.

Маълумки, Жозе Моуриньо 2010–2013 йилларда «Реал Мадрид» бош мураббийи сифатида фаолият юритган.