«Ливерпуль» келаётган ёзда Алисон Бекернинг эҳтимолий кетишига тайёргарлик кўриб, Португалия терма жамоаси ва «Порту» дарвозабони Диогу Коштани номзодлар рўйхатига киритди. Бу ҳақда TEAMtalk нашри хабар бермоқда.
Манба берган маълумотларга кўра, мерсисайдликлар 26 ёшли голқиперга бўлган қизиқишини кучайтирган, чунки жамоанинг захира дарвозабони Георгий Мамардашвилининг жорий мавсумдаги ўйини клуб раҳбариятини тўлиқ ишонтира олмаган. Таъкидланишича, Кошта «Ливерпуль» кузатаётган ягона номзод эмас.
Жорий мавсумда Кошта барча турнирларда 47 та ўйинда иштирок этди ва уларнинг 24 тасида ўз дарвозаси дахлсизлигини сақлаб қолди. Футболчининг клуб билан амалдаги шартномаси 2030 йилнинг ёзига қадар мўлжалланган. Transfermarkt портали маълумотларига кўра, футболчининг бозор қиймати 40 миллион еврони ташкил этади.
