«Бавария» бош мураббийи Венсан Компани Чемпионлар лигаси ярим финалидаги «ПСЖ»га қарши биринчи учрашувдаги (4:5) мағлубиятдан сўнг ўз фикрларини билдирди.

«Менимча, белгиланган пенальти жуда баҳсли қарор бўлди. Мен кўрган ҳолатга қараганда, тўп аввал танасига, кейин қўлига теггандек туюлди ва агар шундай бўлган бўлса, пенальти белгиланмаслиги керак эди.

Аммо мен футболда ҳар қандай ҳолат юз бериши мумкинлигини тушунаман. Шунга қарамай, эпизодни диққат билан қайта кўриб чиқилса, эҳтимол, бу қарорда хато бўлган», — деди Компани.

Шу билан бирга, «Бавария» устози жавоб ўйинида жамоаси камбек қила олишига ишонч билдирди:

«Биз биламизки, кейинги ўйин ўз майдонимизда бўлади, шунинг учун ғалаба қозонишимиз шарт. Биз кўпинча ўз майдонимизда ғалаба қозонамиз. Демак, мухлисларимизнинг тўлиқ қўллаб-қувватлаши билан муваффақиятга ишонч, албатта, бор».

«Бавария» — «ПСЖ» жавоб учрашуви 6 майдан 7 майга ўтар кечаси Мюнхенда бўлиб ўтади.