«ПСЖ» бош мураббийи Луис Энрике Чемпионлар лигаси ярим финалида «Бавария» устидан қозонилган (5:4) ҳисобидаги ғалабага изоҳ берди.
— Ўйин жуда оғир кечди ва жавоб баҳси ҳам худди шундай бўлади. Бу «Бавария» учун мавсумдаги атиги учинчи мағлубият бўлди. Мен ҳеч қачон бундай интенсивлик ва жисмоний тайёргарлик даражасини кўрмаганман.
Ҳаммани табриклаш керак. Бугун биз ғалабага ҳам, дурангга ҳам, мағлубиятга ҳам лойиқ эдик. Бу фантастик учрашув бўлди. Шубҳасиз, бу менинг мураббийлик фаолиятимдаги энг яхши ўйин.
Якунда ғалаба қозонганимиздан мамнунмиз, гарчи ҳар икки жамоа ҳам ўз характерини намоён қилган бўлса-да. Жавоб ўйинида бошқача сценарий кутмаяпман, аммо биз ҳаракат қиламиз, — деди Энрике.
«Бавария» — «ПСЖ» жавоб учрашуви 6 майдан 7 майга ўтар кечаси Мюнхенда бўлиб ўтади.













