Франциянинг «ПСЖ» клуби устози Луис Энрике УEФА Чемпионлар лигаси ярим финали доирасида Мюнхеннинг «Бавария» жамоасига қарши кечган илк ўйиндан сўнг, дарвозабон Матвей Сафонов ва латераль Ашраф Ҳакимийнинг соғлиғи ҳақида фикр билдирди.
«Менимча, бу шунчаки мушаклар тортишиши. Юқори шиддатли ўйинларда бундай ҳолатлар учраб туради. Умид қиламанки, жиддий ҳеч нарса йўқ», — деди испаниялик мутахассис Movistar эфирида.
Эслатиб ўтамиз, учрашув Париж жамоасининг 5:4 ҳисобидаги ғалабаси билан якунланди. «Бавария» ва «ПСЖ» ўртасидаги жавоб ўйини кейинги ҳафта Мюнхендаги стадионда бўлиб ўтади. Ушбу қарама-қаршилик ғолиби Чемпионлар лигасининг 2025/2026 йилги мавсуми финалига йўл олади.
