«ПСЖ» ярим ҳимоячиси Витинья Чемпионлар лигаси ярим финали доирасида «Бавария»га қарши кечадиган жавоб учрашувида жамоасининг муваффақиятига ишонмоқда. Парижликлар ўз майдонларидаги илк баҳсда 5:4 ҳисобида ғалаба қозонишди. Қарама-қаршилик ғолиби 6 май куни «Альянц Арена»да аниқланади.
«Дам олиш, яхши овқатланиш ва тўйиб ухлаш керак — ҳа, бу оддий гаплардек туюлиши мумкин, лекин бу жуда муҳим. Биз айнан шундай қиламиз. Ишончим комил, Мюнхенда ажойиб ўйин ўтказамиз», — деди Витинья финал ҳуштагидан сўнг журналистлар билан суҳбатда.
