«Арсенал» ярим ҳимоячиси Деклан Райс Чемпионлар лигасининг «Атлетико»га қарши дастлабки ярим финал учрашуви олдидан ўз кайфияти билан ўртоқлашди.

«Биз охирги уч-тўрт йил давомида юқори даражадаги қийин ўйинларда иштирок этдик, шунинг учун бизни нима кутаётганини ва қандай босим бўлишини яхши биламиз. Бутун мавсум шундай ўтди ва биз мавсум якунида ҳам жараён мана шундай бўлишини истагандик. Биз Чемпионлар лигаси ярим финалчисимиз, келинг, буни қабул қиламиз, бундан завқланамиз ва нималарга қодирлигимизни кўрсатамиз.

Эберечи Эзенинг сермаҳсуллиги? Уни айнан шунинг учун ҳам бу ерга олиб келишган. Бир неча ҳафта олдин унинг тўпга зарба бериш қобилияти ақл бовар қилмас даражада эканлигини айтгандим. Қандай ажойиб ўйинчи, қандай ажойиб йигит! У яқин ҳафталарда биз учун жуда муҳим бўлади. У бизга ҳақиқатан ҳам керак», — дея 27 ёшли инглиз футболчисининг сўзларини келтиради «Арсенал» матбуот хизмати.

«Арсенал» 29 апрель куни Мадридда «Атлетико»га қарши майдонга тушади. Ўйин Тошкент вақти билан тунги соат 00:00 да (30 апрелга ўтар кечаси) бошланади.