Халқаро футбол федерацияси (ФИФА) Кенгашининг Ванкуверда бўлиб ўтган йиғилишида, бошқа масалалар қатори, клублар таркибига жиддий таъсир кўрсатиши мумкин бўлган янги мажбурий талабни жорий этиш бўйича барча манфаатдор томонлар билан маслаҳатлашувлар ўтказиш бир овоздан маъқулланди.
Футбол мутасаддиларида дунёдаги барча клубларга ўз асосий жамоалари таркибида 20 ёшгача (U-20) ёки 21 ёшгача (U-21) бўлган камида бир нафар ўз тарбияланувчисини майдонга тушириш мажбуриятини юклаш ғояси пайдо бўлди. Ҳозирча бу шунчаки ният — якуний қарор қабул қилингани йўқ.
Ушбу мажбурий талабни жорий этиш бўйича таклиф келаси йили ФИФА Кенгаши муҳокамасига қўйилади.
