«Манчестер Юнайтед» ярим ҳимоячиси Каземиро Англия чемпионати 24-турининг энг яхши футболчиси деб топилди. Бу ҳақда Премьер-лига матбуот хизмати хабар бермоқда.
Душанба оқшомида «Манчестер Юнайтед» ўз майдонида «Брентфорд»ни 2:1 ҳисобида мағлуб этди. Каземиро ушбу баҳсда гол урди ва умуман олганда жуда мазмунли ўйин кўрсатди.
Ҳозирда «Манчестер Юнайтед» Премьер-лига турнир жадвалида учинчи поғонани эгаллаб турибди. Майкл Кэррик жамоаси кейинги мавсум учун Чемпионлар лигаси йўлланмасини нақд қилиши учун яна икки очко тўплаши кифоя. Таъкидлаш жоизки, жорий мавсум якунланганидан сўнг Каземиро «Манчестер Юнайтед»ни тарк этади.
