Португалиялик мураббий Жозе Моуриньо Италия терма жамоасида иш бошлаши мумкинлиги ҳақидаги хабарларга муносабат билдирди. Айни дамда ушбу мутахассис ўз ватанида «Бенфика» клубини бошқармоқда.
«Кимдир мендан сизнинг [Италия] миллий терма жамоангизни бошқариш-бошқармаслигим ҳақида сўради. Менинг жавобим шундай — сизларга чет эллик мураббийнинг кераги йўқ. Сизларда Аллегри, Конте бор, яна 5-6 нафар номни санаб ўтишим мумкин, лекин гап бунда эмас», — дея Моуриньюнинг сўзларини келтиради Il Giornale.
«Сизга Португалияни мисол қилиб келтиришимга ижозат беринг. Кўпчилик нега 10 миллион аҳолиси бор мамлакат доимо Жаҳон чемпионатларига йўлланма олади ва Европанинг энг яхши лигаларидаги топ-жамоаларда ўйнайдиган кўплаб иқтидорли футболчиларни етиштириб беради, деб ҳайрон қолади. Жавоб қуйидагича: келинг ва бизда ёшлар турнирлари қандай ташкил этилганини, ушбу жамоалардаги шароитлар қанақа эканлигини кўринг. Ҳаммасини тушуниш, эҳтимол, нусха кўчириш учун шунинг ўзи кифоя», — деди Моуриньо.
