Машҳур собиқ футболчи Пол Скоулз яқинда Лиам Росеньорнинг Лондоннинг «Челси» клуби бош мураббийлигидан бўшатилгани ҳақида ўз фикрларини билдирди. Экспертнинг фикрича, «кўклар» раҳбарияти 41 ёшли мутахассисни «Страсбург»дан таклиф қилиб, катта хатога йўл қўйган.
«На футбол оламида ва на ундан ташқарида, улардан (клуб раҳбариятидан) бошқа ҳеч ким Росеньорни «Челси»га мос келади деб ўйламаган эди. Менинг назаримда, бу шунчаки ақлсизлик эди», — дея экспертнинг сўзларини келтиради The Overlap.
Айни дамда «Челси» Англия Премьер-лигаси турнир жадвалида 48 очко билан саккизинчи ўринни эгаллаб турибди. Сўнгги бешта ўйинда лондонликлар беш марта мағлубиятга учрадилар.
