Мадриднинг «Реал» клуби ҳужумчиси Гонсало Гарсия ёзги трансфер ойнасида бошқа клубга ўтиши мумкин.
Испаниялик футболчи «қаймоқранглилар»нинг асосий таркибига кира олмаяпти, шу сабабли ёз яқинлашгани сайин унинг кетиши ҳақидаги миш-мишлар авж олмоқда. Инсайдер Николо Скиранинг хабар беришича, 22 ёшли футболчини ўз сафига қўшиб олишга «Ювентус», «Рома», Дортмунднинг «Боруссия»си ва Англия Премьер-лигасининг номи ошкор этилмаган вакиллари қизиқиш билдирмоқда.
Машҳур Transfermarkt портали экспертлари Гонсало Гарсиянинг қийматини 30 млн еврога баҳоламоқда. Жорий мавсумда ҳужумчи мадридликлар сафида 34 та учрашувда майдонга тушиб, ўз ҳисобига 6 та гол ва 2 та голли узатмани ёздириб қўйди.
