Мадриднинг «Реал» клуби Эдер Милитаонинг жароҳатидан сўнг ҳимоя марказидаги вазиятдан хавотирга тушган. Куни кеча бразилиялик ҳимоячи жиддий жароҳат олди. Шу билан бирга, ёзда Давид Алаба ва Антонио Рюдигернинг шартномалари муддати тугаши сабабли клубни тарк этиши кутилмоқда.
«Реал» раҳбарияти жамоани мудофаа марказида кадрлар тақчиллиги кутаётганини тушуниб турибди. Шу сабабли улар ҳимоячининг фавқулодда трансферини амалга оширмоқчи. Асосий номзод — «Комо» шарафини ҳимоя қилаётган Хакобо Рамон.
Рамон «Реал» тарбияланувчиси ҳисобланади. «Қаймоқранглилар» уни 2025 йилнинг ёзида «Комо»га бериб юборишган ва ўйинчи тажриба тўплаб, улғайгач, бир неча йилдан кейин қайтаришни режалаштиришган эди. Бироқ энди «Реал» ўз режаларини ўзгартириб, 21 ёшли футболчини ҳозироқ қайтаришга тайёр.
