Франция терма жамоасининг собиқ ярим ҳимоячиси Эммануэль Пети «Бавария» аъзоси Майкл Олисени Зинедин Зидан билан солиштиришни ҳали эрта деб ҳисоблашини айтди.

Аввалроқ Кристоф Дюгарри Олисенинг Зиданга ўхшашлиги ҳақида шундай деган эди: «Биз янги юлдуз туғилишига гувоҳ бўляпмиз — у ҳамма нарсани қила олади, ҳали ҳеч ким (Нуну) Мендешга бунчалик кўп муаммо туғдирмаган эди».

«Мен олдин ҳам баъзи футболчиларнинг Зиданга қиёсланганини эшитганман. Аммо бу футболчиларнинг жуда ками доимий равишда юқори даражани кўрсата олган. Яшаб кўрамиз — кўрамиз.

Ҳар биримиз Олисенинг ажойиб фазилатларига қойил қоламиз. Лекин мен ҳали ҳам буни доимий бўлишини кутяпман. Буни кўриш учун жаҳон чемпионатини кутаман», — деди Пети.