«Бавария» дарвозабони Мануэль Нойер клуб билан шартномасини узайтириши мумкин. Журналист Флориан Плеттенбергнинг X ижтимоий тармоғида хабар беришича, дарвозабон янги келишувни имзолашни режалаштирмоқда, унинг агенти эса мюнхенликлар билан дастлабки музокараларни ўтказган.
Манбага кўра, «Бавария» Нойерга 2027 йилгача мўлжалланган янги шартнома таклиф қилмоқда. 40 ёшли дарвозабон билан ҳозирча келишувга эришилмаган. Қайд этилишича, Нойернинг «Бавария»даги ўринбосари Йонас Урбиг келаси мавсумда янада кўпроқ ўйин амалиётига эга бўлади.
Жорий мавсумда Нойер клуб сафида барча мусобақаларда 35 та учрашувда иштирок этди. Урбиг 16 та ўйинда майдонга тушди. Германия жамоасининг учинчи дарвозабони Свен Ульрайх эса яна бир ўйинда қатнашди.













