Европа лигаси-2025/2026 мавсуми ярим финал босқичи илк учрашувида Португалиянинг «Брага» ва Германиянинг «Фрайбург» жамоалари ўзаро баҳс олиб борди. Учрашув «Мунисипал-ди-Брага» стадионида бўлиб ўтди. Ўйин 2:1 ҳисобида мезбонлар ғалабаси билан якунланди.

Учрашувнинг 8-дақиқасида ҳимоячи Демир Тикназ «Брага»ни олдинга олиб чиқди. 16-дақиқада меҳмонлар ярим ҳимоячиси Винченцо Грифо ҳисобни тенглаштирди. 45+2-дақиқада португалияликлар ҳужумчиси Родриго Саласар пенальтини амалга ошира олмади. Учрашув тақдири эса 90+2-дақиқада ҳал бўлди — Марио Доржелес «Брага»га ғалаба келтирган голни киритди.

Жавоб учрашуви 7 май куни Фрайбург шаҳридаги «Европа-Парк» стадионида бўлиб ўтади.

Европа лигаси, ярим финал
2026 йил 30 апрель, Брага (Португалия), «Мунисипал-ди-Брага»
Брага — Фрайбург — 2:1
Голлар: Тикназ, 8; Доржелес, 90+2 — Грифо, 16