Мадриднинг «Реал» клуби ўнг қанот ҳимоячиси Хесус Фортеа «Комо»га ўтиши мумкин.
Журналист Николо Скиранинг хабар беришича, Италия клуби «қаймоқранглилар»нинг ёшлар жамоасида тўп сурувчи 19 ёшли футболчи трансфери устида аллақачон иш бошлаб юборган. Ла Лига гранди раҳбарияти ушбу келишувга футболчини арзонроқ нархда қайта сотиб олиш ҳуқуқини киритмоқчи.
Аввалроқ Николас Пас ва Хакобо Рамон ҳам айнан шундай схема асосида «Комо»га ўтган эди. Улар Италияда катта муваффақиятга эришишди ва энди Мадридга асосий таркиб ўйинчиси сифатида қайтишга жиддий номзод бўлиб туришибди.
Transfermarkt портали томонидан 3 миллион еврога баҳоланган Хесус Фортеа ҳозирча «Реал»нинг асосий жамоасида дебют қилмаган. У «Кастилья» сафида 20 та ўйинда майдонга тушиб, иккита голли узатмани амалга оширган.
