Madridning «Real» klubi o‘ng qanot himoyachisi Xesus Fortea «Komo»ga o‘tishi mumkin.
Jurnalist Nikolo Skiraning xabar berishicha, Italiya klubi «qaymoqranglilar»ning yoshlar jamoasida to‘p suruvchi 19 yoshli futbolchi transferi ustida allaqachon ish boshlab yuborgan. La Liga grandi rahbariyati ushbu kelishuvga futbolchini arzonroq narxda qayta sotib olish huquqini kiritmoqchi.
Avvalroq Nikolas Pas va Xakobo Ramon ham aynan shunday sxema asosida «Komo»ga o‘tgan edi. Ular Italiyada katta muvaffaqiyatga erishishdi va endi Madridga asosiy tarkib o‘yinchisi sifatida qaytishga jiddiy nomzod bo‘lib turishibdi.
Transfermarkt portali tomonidan 3 million yevroga baholangan Xesus Fortea hozircha «Real»ning asosiy jamoasida debyut qilmagan. U «Kastilya» safida 20 ta o‘yinda maydonga tushib, ikkita golli uzatmani amalga oshirgan.













