«Ан-Наср» ва Португалия терма жамоаси ҳужумчиси Криштиану Роналду ҳакамларни ҳимоя қилиб чиқди. «Олтин тўп»нинг беш карра соҳиби арбитрларни, ҳатто улар хатога йўл қўйган вазиятларда ҳам ҳурмат қилишга чақирди.
«Ҳакамларни ҳурмат қилиш керак, ҳатто улар хато қилишса ҳам. Улар ҳам инсон ва хато қилишга мойиллар», — дея Роналдунинг сўзларини келтирди журналист Фабрицио Романо Рио Фердинандга таянган ҳолда.
Криштиану Роналдунинг «Ан-Наср» билан шартномаси 2027 йилнинг ўрталарига қадар мўлжалланган. Эслатиб ўтамиз, куни кеча «Ан-Наср» жамоаси «Ал-Аҳли»ни 2:0 ҳисобида мағлуб этди ва чемпионатдаги ғалабали сериясини 16 та ўйинга етказди. Ар-Риёд жамоаси Про-лигада пешқадамлик қилмоқда ва иккинчи ўриндаги «Ал-Ҳилол»ни саккиз очкога ортда қолдирмоқда. Аммо «Ал-Ҳилол» ҳисобида битта захира ўйини мавжуд.
