Хорижда тўп сураётган энг яхши француз футболчиси номига даъвогарлар аниқланди.
The Touchline нашрининг хабар беришича, кучли бешликдан Килиан Мбаппе («Реал Мадрид»), Майкл Олисе («Бавария»), Райан Шерки («Манчестер Сити»), Вильям Салиба («Арсенал») ва Уго Экитике («Ливерпуль») жой олди.
Ушбу совриннинг амалдаги соҳиби — Мбаппе. «Қаймоқранглилар» ҳужумчиси Карим Бенземадан кейин ушбу совринни кетма-кет икки ёки ундан кўп марта қўлга киритган иккинчи футболчига айланиши мумкин. Ҳозирда Саудиянинг «Ал-Ҳилол» жамоаси шарафини ҳимоя қилаётган 38 ёшли Бензема 2019 йилдан 2023 йилга қадар кетма-кет тўрт бор ушбу мукофот билан тақдирланган эди.
