Италиянинг La Gazzetta Dello Sport нашрига кўра, хорватиялик ярим ҳимоячи Лука Модрич «Милан» билан шартномасини узайтириш истагида. Унинг бу қарорига фаолиятини мажбурий равишда эрта якунлаш эҳтимоли таъсир қилиши мумкин — очиғини айтганда, Модрич ҳали «Милан»да тўйиб ўйнагани йўқ ва клубдаги фаолиятига бутунлай бошқача тарзда нуқта қўймоқчи.
У футбол билан замбилда эмас, балки бутун умр ардоқлаб келган ва Звонимир Бобаннинг ўйинларини кўриб улғайган «Сан-Сиро» стадионининг олқишлари остида хайрлашишни хоҳлайди. Шу боис, Модрич клуб билан келишувни узайтиришга мойиллик билдирмоқда. Албатта, агар ёзгача бирор форс-мажор ҳолат (масалан, жаҳон чемпионатидаги янги жароҳат) содир бўлмаса. Шу билан бирга, Италия матбуоти баъзида бўлганидек, шунчаки истакни ҳақиқат сифатида тақдим этишга уринаётган бўлиши мумкинлигини ҳам истисно қилиб бўлмайди.
